Құрметті Ақбатыр Алуадинұлы!
Құрметті Ақбатыр Алуадинұлы!
Сізді еңбегіңіз еленіп құрметті демалысқа шыққан қуанышты күніңізбен шын жүректен құттықтаймыз! Еліміз үшін еңбек сіңіріп, осындай биік беделге жеткізген ғұмыр жасыңыз бұдан әрі де нұрлы болсын.
Қызмет деген бір белестен өтіп, құрметті демалыс деген кезеңге жеттіңіз. Елімізге адал қызмет етіп жүрген ардақты азаматтардың бірі өзіңізсіз. Осынау жылдар ішінде өмірдің талай белестерінен табысты өттіңіз – «Батысқазгеология» өндірістік геологиялық бірлестігінің Қарағайлы геология-барлау экспедициясында геолог қызметінен бастап бас геолог, департамент басшысы, Төраға орынбасары, Төраға лауазымдарында қызмет атқарып келесіз.
Еліміздің минералдық-шикізат қорына қосқан үлесіңіз айтарлықтай. Барлық басшылық қызметтерде өзіңізді ұйымдастырушылық қарым-қабілеті мол басшы ретінде таныттыңыз. Қандай міндет жүктелсе де жауапкершілікті сезіне отырып, абыройлы қызмет атқарып, әрдайым бедел билігінен көріне білдіңіз. Ұзақ жылдар бойғы жемісті еңбегіңіздің арқасында лайықты құрметке бөленіп жүрсіз.
Құрметті Ақбатыр Алуадинұлы, қуанышыңыз ұзағынан болсын! Ағайын-туыстың құрметіне, немере мен шөберелердің шу-күлкісіне,
ұл-қыздарыңыздың жеңісті шақтарын көрген шаттықтың бақытты сәттеріне бөленген әдемі ғұмыр кешіңіз!
Ізгі ниетпен,
«Қазгеоақпарат» РГАО» ЖШС
ұжымының атынан
Бас директор Ж. Кәрібаев