Энергия және ресурстар: Қазақстан мен АҚШ «The Future Mineral Forum» аясында кездесті
ҚР Өнеркәсіп және құрылыс министрі Қанат Шарлапаев Сауд Арабиясының Эр-Рияд қаласында өткен «The Future Mineral Forum» аясында АҚШ Мемлекеттік хатшысының энергетикалық ресурстар жөніндегі көмекшісі Джеффри Росс Пайеттпен кездесті. Кездесу минералды шикізат құнын құрудың тұрақты тізбегін дамыту мәселелері бойынша екі ел арасындағы диалогты тереңдетудегі маңызды қадам болды.
Форум аясында минералды ресурстар мен энергетика саласындағы ынтымақтастықтың негізгі аспектілеріне баса назар аударылды. Тараптар Қазақстан мен АҚШ арасындағы берік стратегиялық ынтымақтастықтың 30 жылдан астам тәжірибесін ескере отырып, ұзақ мерзімді әріптестік перспективаларын талқылады.
Қазақстанның АҚШ Геологиялық қызметі айқындаған 16-дан астам маңызды минералдарды жеткізу әлеуеті бөлінді. Олардың ішінде висмут, галлий, ванадий, вольфрам, қалайы, тантал, ниобий, магний, литий, индий, графит, Кобальт және басқалары бар, бұл ресурстардың тұрақтылығын қамтамасыз етудегі ынтымақтастықтың стратегиялық маңыздылығын көрсетеді.
Rio Tinto, Cove Capital және Relativity Space сияқты ірі американдық компаниялардың еліміздің тау-кен өнеркәсібінің түрлі аспектілеріне қызығушылықтары атап өтілді.
Екі тарап пайдалы қазбаларға тұрақты және жауапты тәсілдерді дамыту бойынша бірлескен күш-жігерін жалғастыру ниетін растады. Бұл жұмыс бағыты тұрақты энергетикалық ауысуға ықпал етеді және Қазақстан мен Америка Құрама Штаттарында ұзақ мерзімді экономикалық тұрақтылық үшін жағдай жасайды.